Hysaj mendon lamtumirën nga Napoli në verë, ja kush mund ta zëvendësojë

Eiseid Hysaj nuk po kalon një sezon shumë të mirë te skuadra e Napolit nën drejtimin e Carlo Ancelottit. E ardhmja e tij është vënë në diskutim, teksa gjatë janarit, u përfol për një transferim të mundshëm në Angli tek Chelsea. “Stadiosport.it”, raporton se një gjë e tillë mund të ndodhë në verë, ndërkohë që Napoli ka evidentuar edhe zëvendësuesit e mundshëm Pol Lirola ose Bartosz Bereszyński.

Nga titullar i paprekshëm në futbollist part-time. Parabola e mbrojtësit shqiptar, ka nisur që me largimin e Sarrit. Me ardhjen e Ancelottit në pankinë, Hysaj është kthyer në një zgjedhje të katërt në mbrojtje. Maluit dhe Maksimovic i kanë vjedhur minuta të rëndësishme në Champions League, teksa tashmë shkodrani duket i bindur për të braktisur të kaltrit.

Në Hysaj do të shkojë në Angli, zgjedhja e parë për ta zëvendësuar do të jetë Lirola i Sassuolos, i cili bën mjaft mirë në skemat e Ancelottit, pasi është futbollist ofensiv, ndërkohë që alternativa është Bereszyński i Sampdorias. /R.Lika-Koha Jone/