​Hysaj: Ronaldo te Juvja? Ne kemi Ancelottin, besojmë te titulli

Elseid Hysaj sfidon Juventusin ende pa filluar kampionati. Mbrojtësi shqiptar i cili aktivizohet te Napoli ka folur sot për mikrofonin e “Sky Sport”.

“Ronaldo te Juventus, Ancelotti te Napoli. Do të jetë një duel i bukur, por do të jetë edhe Interi në garë, do të shohim. Titulli? Ne besojmë në të gjitha kompeticionet, por do të shohim se si do të shkojë. Ancelotti? I ka idetë e tij, do të kërkojmë që të përmirësohemi. Ai luan më shumë nga krahët dhe po punojmë për atë që na kërkon trajneri”, deklaroi Hysaj.

Mbrojtësi kuqezi në këtë mënyrë ka mbyllur derën e një largimi të mundshëm nga Napoli. /Koha Jonë/