Ibrahimoviç në Kupën e Botës? Suedia merr vendimin final

Përflitej prej disa javësh, por tashmë është: Zlatan Ibrahimoviç nuk do të jetë pjesë e Suedisë në finalet e kampionatit botëror, Rusi 2018. Federata skandinave ka shpërndarë një njoftim ku thuhet se trajneri Johanson nuk do të përfshijë në këtë skuadër sulmuesin 36-vjeçar, duke i dhënë fund një telenovele që qarkullon prej javësh në media.

Ndaj rikthimit në ekipin kombëtar nuk ka qenë vetëm trajneri Johanson, por edhe një pjesë e futbollistëve, duke deklaruar se në këto finale Suedia është kualifikuar pa ndihmën e Ibrahimoviç.

Tashmë pritet reagimi i Ibrës, i cili me siguri do të jetë i ashpër ndaj trajnerit, por edhe skuadrës.