Ibrahimoviç: Në Rusi do jem, s’ka kuptim Botërori pa mua!

Nuk ka më dyshime: Zlatan Ibrahimoviç do të luajë në Kupën e Botës. Nëse para disa javësh bomberi suedez kishte ende dilema, tashmë gjiganti skandinav nuk ka asnjë dyshim dhe e thotë me bindje se në Botëror ai do të jetë.

I ftuar në një televizion amerikan, Ibrahimoviç deklaroi:

“Sigurisht që do të shkoj në Botëror, por kjo është e vetmja gjë që mund të them sepse në të kundërt do më kritikojnë, duhet të jem i kujdesshëm me fjalët që them në këtë periudhë, por e përsëris një Kupë Bote pa mua nuk do të ishte një Kupë Bote”, u shpreh ish-sulmuesi i Junajtid. Ibra në tre ndeshjet e para me ekipin e Los Anxhelos, ka shënuar 3 gola. /Koha Jonë/