Interesim i ulët për Shqipëri-San Marino, ja sa bileta janë shitur

Fitorja ndaj Hungarisë ka shtuar entuziazmin te Kombëtarja, por mesa duket jo te tifozët, që pritet të mos jenë në numër të shumtë në “Elbasan Arena” kundër San Marinos.

Deri në mesditë janë shitur rreth 3 mijë bileta, por një situatë e ngjashme ndodhi edhe ndaj Hungarisë ku tifozët e kishin lënë për në orët e fundit për të blerë një biletë.

Mbetet të shihet nëse në orët në vijim do të ketë një shtim të tyre, ndërkohë që problem mund të jetë edhe fakti që gjatë ndeshjeve mund të ketë edhe reshje shiu që mund të ketë stepur shumë tifozë.