Interi nuk ngre kokë, mundet lehtësisht edhe nga Xhenoa (VIDEO)

Interi nuk di të ngrejë kokë në Seria A. Skuadra zikaltër ka pësuar humbjen e radhës, teksa sonte në mbrëmje është mundur pastër 2-0 nga Xhenoa. Vendasit dominuan në 45 minutat e para duke goditur në një rast dhe tranversën, por goli u shënua vetëm në sekondat e fundit.

Shkrinar largon keq topin duke e përplasur te shoku i tij Ranokia, dhe më pas topi shkon në rrjetën e portës së Handnoviç. Në pjesën e dytë Xhenoa realizon dhe golin e dytë me një ish-interist si Goran Pandev. Kjo ishte fitorja e tretë radhazi për vendasit, ndërkohë që Interi vijon të bëjë keq e më keq në kampionat. /Koha Jonë/