Interi përjashton nënkampionin e Botës nga Seria A

Sime Vrsaljko mbyll përfundimisht aventurën me skuadrën e Interit, teksa zikaltërit nuk do ta blejnë kartonin e tij të plotë në fund të këtij sezoni.

Mbrojtësi kroat është hequr edhe nga lista me 25 lojtarë, që Interi ka dorëzuar në Federatën Italiane, pas mbylljes së merkatos së dimrit, çka do të thotë se kroati nuk mund të luajë në kampionat me zikaltrit.

Në vendin e tij, në listë është shtuar mbrojtësi anësor portugez, Cedric Soares, i cili ka ardhur para pak ditësh në Milano, me formulën e huazimit me të drejtë blerjeje për 11 milionë euro nga Southampton, gjithmonë nëse do të bindë me performancat e tij.

Vrsaljko pritet të rikthehet te Atletico e Madridit, për të nisur rikuperimin për sezonin e ardhshëm.