Interi probleme në mesfushë, ndaj Atalantës mungon edhe Vecino

Interi do të luajë nesër ndaj Atlantës në kampionat, por nuk ka aspak lajme të mira nga infermieria. Matias Vecino nuk ia ka dalë të riaftësohet dhe nuk do të udhëtojë me skuadrën në Bergamo. Duke shtuar edhe pezullimin e Brozoviç, do të ketë vetëm 3 mesfushorë në dispozicion, aq sa i duhen për të hedhur në fushë nga minuta e parë.

Kështu Galiardini, Borja Valero dhe Rafinja pritet ta nisin nga fillimi, ndërsa në stol Spaletti ka marrë dy futbollistë të ekipit të të rinjve, Emmers dhe Zaniolo.

Atalanta-Inter do të luhet të shtunën në orën 20:45, një duel i rëndësishëm për të zënë një vend në Champions, duke parë se Roma luan me Lacion të dielën.