Ishte më i miri në fushë ndaj Atalantës, Strakosha: Bëra detyrën time!

Lacio ka barazuar me rezultatin 1-1 ndaj Atalantës, në një takim ku ka shkëlqyer Thomas Strakosha. Portieri i Kombëtares sonë është vlerësuar si më i miri në fushën e lojës, pasi shpëtoi në disa raste skuadrën e tij, duke bërë disa ndërhyrje spektakolare.

Strakosha ka folur pas ndeshjes për “Premium Sport”, ku është shprehur se ka bërë vetëm detyrën e tij ndaj Atalantës. “Periudha negative e rezultateve? Ne kemi provuar se jemi një ekip i fortë pavarësisht momenteve të vështira. Unë bëra atë që duhet të bëja, për të mbrojtur rezultatin që kishin arritur shokët e mi. Nuk mund t’i fitojmë të gjitha ndeshjet, ka ndikuar edhe lodhja, por tashmë jemi të fokusuar për takimin ndaj Krotones”, është shprehur Strakosha.