Java e 22-të e Superiores nis me surpriza, Bylis befason Laçin (VIDEO)

Sporti E Shtunë, 18 Shkurt 2023 15:03

Java e 22-të në Abissnet Superiore, nisi me surpriza, teksa Laçi pësoi një humbje minimale 0-1 ndaj Bylisit. Pjesa e parë u mbyll në barazim, ndërkohë që Flamur Ruçi realizoi golin vendimtar të sfidës në minutën e 54-të.

21-vjeçari mori një asist nga Kaçorri, doli i vetëm përballë portieri Selmani dhe dërgoi topin në rrjetë.

Skuadra ballshiote rigjen fitoren pas dy humbjeve radhazi dhe tani numëron 26 pikë. Skuadra e Mezanit regjistron disfatën e dytë radhazi në shtëpi pas asaj ndaj Egnatias.