Jo vetëm Emre Xhan, Juvja provon për të rrëmbyer falas edhe Ozil

Juventus është duke ndjekur me interes situatën e merkatos në Angli. Bardhezinjtë janë në detajet e fundit për transferimin e Emre Xhan në merkato e qershorit me parametra zero, por kampionët e Italisë janë duke ndjekur me shumë interes edhe Mesut Ozil.

Mesfushori me origjinë turke, i cili aktivizohet në kombëtaren gjermane, shihet si një mundësi që duhet shfrytëzuar duke marrë parasysh faktin se i përfundon kontrata në muajin qershor. Ozil me siguri që do të largohet nga Arsenali në përfundim të këtij sezonit, teksa “Zonja e Vjetër” është e interesuar për një futbollist me karakteristikat e tij teknike.

Bardhezinjtë duhet që të mposhtin edhe konkurrencën me Mançester Junajtid, pasi “Djajtë e Kuq” kanë në tavolinë një ofertë prej 40 milionë eurosh që në këtë sesion merkatoje. Nëse Venger arrin që t’i mbyllë derën Murinjos, atëherë skuadra torineze do të provojë për ta bindur që të vijë në Itali. /Koha Jonë/