Juventus i papërmbajtshëm, gati t’i rrëmbejë një tjetër yll Realit të Madridit

Juventus e mbyll blerjen e shekullit në mënyrën më të mirë të mundshme. Cristiano Ronaldo u zyrtarizua te bardhezinjtë, por tashmë Marotta po punon për të bërë një tjetër goditje të madhe nga Reali i Madridit.

Këtë herë sipas “Premium Sport” bëhet fjalë për tjetër futbollist kryesorë që ka në përbërje Reali, Marcelon. Zërat ishin prezentë prej disa ditësh, por nënshkrimi i Ronaldos në ditën e sotme dhe miqësia e ngushtë që ai ka me mbrojtësin brazilian, kanë ndikuar që një marrëveshje e tillë të hamendësohet gjithmonë e më tepër nga mediat italiane.

Megjithëse gjithçka pritet të zbardhet në ditët në vijim, Juventusi duhet të mbyll fillimisht çështjen e Alex Sandro, pasi mbrojtësi brazilian nuk është në planet e klubit. Në këtë mënyrë tifozët bardhezi mund të ëndërrojnë një tjetër blerje ëndrrash.