Juventus-Manchester United, akord për mbrojtësin

Juventusi kërkon përforcime për në krahun e majtë të mbrojtjes. Drejtuesit e bardhezinjve po punojnë për të risjellë në Serinë A italianin Matteo Darmian, të cilin e kanë kërkuar edhe gjatë merkatos së verës së kaluar.

Drejtuesi Fabio Paratici ka gjetur akordin me Manchester United që zotëron kartonin e futbollistit, për ta transferuar 29-vjeçarin në formë huazimi për 4 milionë euro.

Gjithsesi, gjithçka mbetet për t’u vendosur pasi më parë “Zonja e Vjetër” duhet të vendosë për të ardhmen e Leonardo Spinazzolas, që kërkohet në huazim nga Bologna.