Juventus prezanton Cristiano Ronaldon të hënën me … dyer të mbyllura

Prezantimi i Cristiano Ronaldos pritej që të ishte një ngjarje historike për Juventusin, por prezantimi i tij nuk do të jetë i madh.  E hëna e prezantimit të pesë herë fituesit të “Topit të Artë” u imagjinua me stadiumin “Allianz” të mbushur me me tifozë dhe flamuj, ngjashëm me atë që portugezi kishte përjetuar në vitin 2009, në “Bernabeu”. Do të ishte hera e parë, që Juventusi prezantonte një lojtar në këtë mënyrë, por kjo nuk do të ndodhë as për yllin portugez.

Klubi juventin, këtë pasdite, ka konfirmuar për mediat se programi i të hënës së ardhshme do të jetë identik me atë që ishte përjetuar me të gjitha nënshkrimet e mëparshme: ekzaminimi mjekësor në “J-Medical” dhe konferencë për shtyp në qytetin e ri sportiv të Continassa. Vetëm gazetarët, atëherë, mund të marrin pjesë në prezantimin e parë të CR7 me ekipin e tij të ri.

Klubi po vlerësonte organizimin e një ngjarjeje masive, por preferoi, për arsye organizative, që të shmangte hapjen e dyerve të stadiumit për mijëra tifozë, që shpresonin të përqafonin idhullin e tyre të ri. Natyrisht, do të jetë e pamundur për të parandaluar pushtimin e aeroportit të Caselle, kur Ronaldo, të shtunën apo të dielën, do të shkelë tokën italiane.