Ka shpenzuar pa limite, UEFA bën gati dënimin për PSG

PSG i trembet një dënimi të rëndë nga UEFA, që ka hapur zyrtarisht një hetim për shkeljen e “fair play”-it financiar. Vendimi pritet të dalë në fillimin e muajit qershor. Sipas “L’Equipe”, klubi francez duket se është përgatitur për një ndëshkim të ashpër, që mund të jetë i ngjashëm me atë të 2014-ës, kur UEFA i kërkoi të mos kalonte deficitin prej 60 mln eurosh mes shitjeve dhe blerjeve.

Një limit që është tejkaluar nga klubi në tre vitet pasues (92,2 milionë në 2015, 78,7 në 2016 dhe 144 në 2017) dhe që rrezikon të komplikojë seriozisht merkaton e ardhshme të verës. Nuk është llogaritur as blerja e Kilian Mbape. Sulmuesi i ri francez është marrë verën e kaluar nga Monako me formulën e huazimit dhe me detyrimin për t’u blerë në verën e 2018-ës për 180 milionë euro.

Një situatë që mund të vërë në vështirësi PSG-në, duke e detyruar të shesë njërin mes Mbape ose Nejmar.