Kamer Qaka pranë transferimit të Steaua e Bukureshtit

Kamer Qaka drejt transferimit te Steaua e Bukureshtit. Mesfushori i Kombëtares Shqiptare, aktualisht është pjesë e Politehnica Iași në Ligën e Parë të Rumanisë, pritet t’i bashkohet skuadrës më të titullar në këtë vend, president i së cilës është George Becali.

Ka qenë vetë numri një i klubit nga Bukureshti i cili ka zbuluar se ka bërë një ofertë konkrete për mesfushorin energjik dhe tashmë pret vetëm përgjigjen përfundimtare të tij.

Më këtë lëvizje Steaua e Bukureshtit është përfshirë në një konflikt të hapur me Kraiovën, pasi Qaka dhe përfaqësuesit e tij kishin rënë dakord t’i bashkoheshin kësaj skuadre, ndërsa CSM Politehnica Iași do të përfitonte 350 mijë euro.

“Të shohim se cilën skuadër do të zgjedhë Qaka, Steauan apo Kraiovën,” – deklaroi George Bekali. Presidenti i skuadrës nga Bukureshti kërkon të shfrytëzojë faktin se Qaka ende nuk ka nënshkruar me Kraiovan, për të bërë pjesë të ekpit të tij talentin shqiptar 23-vjeçar.