Kameruni gjen “timonier”, zyrtarizon Seedorf dhe Kluivert

Clarence Seedorf është trajneri më i ri i Kamerunit.

Kjo u njoftua nga ministri i sporteve të shtetit afrikan, Pierre Ismaël Bidoung Mkpatt në një konferencë për shtyp duke theksuar se holandezit  do t’i bashkohen Patrick Kluivert, i cili do të mbajë rolin e zv.trajnerit tek kombëtarja afrikane.

Ministri ka njoftuar se Seedorf do të gëzojë të paktën një vit përgatitje me ekipin në pikëpamje të Kupës së ardhshme të Afrikës në fillim të qershorit 2019 në Kamerun. Seedorf dhe Kluivert, i cili do të jetë zëvendës i tij, do të zërë vendin e belgut. Hugo Broos , që u shkarkua në fund të vitit 2017, për rezultate negative.