Kapitenia e ekipit afgan të futbollit thirrje FIFA-s: Shpëtoni shoqet e mia

Kapitenia e ekipit afgan të futbollit për femra i ka bërë thirrje FIFA-s që të shpëtojë shoqet e saj të skuadrës nga talebanët që kanë marrë pushtetin ditët e fundit.

25-vjeçarja Shabnam Mobarez, e cila aktualisht banon në SHBA, i ka kërkuar qeverisë së futbollit që të ndërhyjë.

“Shoqja ime e ekipit në Afganistan: Jo, nuk jam mirë. E di që ata do të më kërkojnë dhe do të më gjejnë së shpejti. A më ndihmon dot? FIFA, si t’i përgjigjem unë kësaj pyetjeje? Duhet të veprojmë që të shpëtojmë shoqet e mia të skuadrës. Ato janë motrat e mia”.