Kavani mund të rikthehet në Seria A, e konfirmon agjenti i tij

Edinson Kavanin mund ta shohim sërish në Seria A. Agjenti i lojtarit,Vincenzo D’Ippolito, në një intervistë të dhënë për RMC Sport, ka folur për futbollistin e menaxhuar prej tij, duke mos përjashtuar mundësitë e një rikthimi të mundshëm të klientit në Itali.

“A mund të rikthehet Kavani në Itali? Mendoj se po, edhe pse do të nevojitet një fuqi e madhe ekonomike për ta marrë. Vështirë që të kthehet te Napoli”, deklaroi menaxheri D’Ippolito.