Klubi anglez shpërblen sulmuesin kosovar

Sulmuesi i Kombëtares së Kosovës, Atdhe Nuhiu, do të shpërblehet me kontratë të re nga Sheffield Wednesday pas formës së shkëlqyer këtë sezon.

Në ndeshjet e fundit Nuhiu është shndërruar në një hero për Wednesday, dhe tani ka pranuar se negociatat për kontratën e re me ekipin nga Championshipi i Anglisë, janë duke filluar.

28-vjeçarit kontrata aktuale me me klubin i skadon në verë, por drejtuesit e klubit janë të gatshëm ta mbajnë kosovarin të paktën edhe për tri vite tjera.

Nuhiu ka shënuar 14 gola,11 në kampionat dhe 3 në FA Cup, në 35 paraqitje në të gjitha garat për Sheffieldin këtë sezon.