Kovac flet për të ardhmen e Lewandowskit

Bayern Munich e ka bërë shumë të qartë qëndrimin e tij për të ardhmen e Robert Lewandowskit. Sulmuesi ia ka bërë të ditur që në mbyllje të sezonit të kaluar drejtuesve të ekipit që do të largohet nga “Allianz Arena”. Klubi bavarez nuk e ka ndalur lojtarin, por nga njëra anë e ka penguar, për shkak se kërkon  mbi 100 milionë euro për kartonin e tij. Prej disa muajsh emri i polakut vazhdon të jetë i lidhur me kalimin në “Santiago Bernabeu”, ku edhe vetë lojtari ka shprehur dëshirën që të nënshkruajë.

Trajneri Niko Kovac ka komentuar në media situatën e sulmuesit 29-vjeçar, ku ka theksuar që lojtari nuk dëshiron më të largohet.

“Nuk ka asgjë të re për Robertin. Pozicioni i tij është shumë i qartë: ai nuk do të largohet nga klubi, sepse ne e kemi sulmues të parë. Po sigurisht nuk duam që ta shesim”- tha tekniku për Sky Sport.

Tekniku 46-vjeçar është i bindur se Lewandowski do të vazhdojë në “Allianz Arena”.

“Është një lojtar i madh dhe tashmë ka arritur në vetvete shumë siguri dhe në sezonin e ri do të shënojë edhe më shumë gola. Ai është nën kontratë me ne dhe do ta respektojë për aq kohë sa të jetë e mundur. Ky është profesionalizëm. “Jemi Bayern, kemi një golashënues shumë të mirë dhe nuk do të lejojmë askënd nga jashtë se çfarë do të bëjmë këtu”- tha trajneri i kampionëve të Bundesligës në prononcimin e tij për Sky Sport.

Duket se ëndrra e sulmuesit polak për të nënshkruar në Bernabeu po zbehet, pasi gjigantët bavarezë nuk duan ta lënë të largohet.