Kryeministri i Spanjës: Nejmar nuk është i mirëpritur te Reali!

E përditshmja spanjolle “AS” ka intervistuar kryeministrin e Spanjës Mariano Rajoy, i cili është një tifoz i zjarrtë i klubit mbretëror, Realit të Madridit. Në prag të ndeshjes së nesërme ndaj PSG, ai ka folur dhe për të ardhmen e Nejmarit.

“Nuk do të isha i lumtur nëse Neymar do të vishte fanellën e Realit, aktualisht të gjithë flasin vetëm për treshen e sulmit por duhet thënë se e gjithë organika e Realit është e jashtëzakonshme. Emeri ka në dispozicion lojtarë fantastikë si Di Maria, Verratti dhe Rabiot. Takimi në Champions jam i bindur që do të jetë emocionues, luajnë dy nga skuadrat me formacionet më të mira në botë. Championsi është skena ku Reali është protagonist, aq më shumë tani që objektivat e tjerë janë ezauruar”, tha Mariano Rajoy.