Laçi arkëton 500 mijë euro nga kualifikimi në Europa League

Laçi siguroi sot kualifikimin historik pasi mundi ekipin qipriot të Anorthosis minimalisht 1-0 me një gol të shënuar nga Uzuni. Ndërkohë që ky sukses do të shtojë ndjeshëm edhe arkëtimet për bardhezintjë.

Për pjesëmarrjen në turin e parë, kurbinasit përfituan 240 mijë euro si shpërblim nga UEFA, ndërsa tani, me kalimin në turin e dytë, në arkat e tyre përfundojnë edhe 260 mijë euro të tjera, duke çuar në 500 mijë euro totalin deri tani të fitimeve të klubit të Laçit.

Duke llogaritur shpenzimet minimale që bën skuadra e cila ka një buxhet shumë herë më të vogël se ekipet e tjera të Superiores, kjo është një ndihmë e madhe për vazhdimësinë e saj në edicionin e ardhshëm.