Laçi fiton me përmbysje spektakolare ndaj Partizanit (VIDEO)

Sporti E Hënë, 6 Shkurt 2023 20:54

Partizani vijon serinë e rezultateve pa fitore, teksa ka pësuar një tjetër humbje 1-2 në shtëpi ndaj Laçit. Kjo ishte disfata e tretë në 5 ndeshjet e fundit për Të Kuqtë.

Skuadra e Colellës kaloi në avantazh në minutën e 28-të me një super gol të shënuar nga Da Silva. Braziliani goditi mjaft mirë në trekëndëshin e portës.

Ekipi kurbinas reagoi në limitet e pjesës së parë duke barazuar shifrat me një gol të shënuar me kokë nga Turkaj. Në pjesën e dytë do të vinte dhe përmbysja e madhe me Vasil Shkurtaj, që do të shfrytëzonte një asist perfekt nga Bajramaj.