Lacio i falet Milinkoviç-Saviç ndaj Torinos, prek Championsin (VIDEO)

Lacio nuk gabon, duke qenë shumë pranë kualifikimit në Champions. Pavarësisht dëmtimit të Çiro Imobiles në minutat e para dhe penalltisë së humbur nga Luis Alberto, skuadra e Simone Inzagit mposhti 1-0 Torinon në transfertë me një gol të mesfushorit serb Milinkoviç-Saviç në pjesën e dytë duke barazuar Romën në kuotën e 70 pikëve por mbi të gjitha duke e çuar në +4 diferencën nga Interi i vendit të 5-të.

Një fitore me shumë peshë kjo për Lazio që tashmë është më pranë kualifikimit në grupet e Champions League për sezonin e ardhshëm. Një paraqitje tejet pozitive bëri Thomas Strakosha në këtë sfidë me portierin shqiptar që ndali disa tentativa të lojtarëve vendas.