Lajm befasues për Juventusin nga Spanja, Koeman merr vendimin për Suarez

Luis Suarez mund të vijojë aventurën te skuadra e Barcelonës. Kanali spanjoll TV3 shkruan se uruguiani mund të mbetet në klub, pasi trajneri Ronald Koeman dëshiron që ai të qëndrojë.

Strategu holandez është bindur nga paraqitjet e lojtarit në stërvitje. Ai u ka kërkuar drejtuesve të klubit që ta mbajnë futbollistin sërish në Camp Nou.

Suarez është një mik i ngushtë i Leo Messit dhe largimi i tij nga Katalunja mund të sillte probleme dhe për argjentinasin. Uruguaiani në ditët e fundit është folur shumë për një akord me Juventusin, por duket se kjo lëvizje do të dështojë.

¡ATENCIÓN🚨! TV3 de Catalunya informa que el FC Barcelona quiere la continuidad de Luis Suárez en el plantel para jugar su última temporada en el club. #LuisSuarez #Barcelona pic.twitter.com/CZ3PGHSe46

— TVMAX Deportes (@tvmaxdeportes) September 10, 2020