Liverpuli humbet një tjetër futbollist për finalen e Champions League

Liverpuli do të jetë pa mbrojtësin Xho Gomez në finalen e Champions League ndaj Real Madrid. Futbollisti i talentuar anglez ka munguar në tre ndeshjet e fundit për ”Të Kuqtë” pasi u operua në kyçin e këmbës, dhe nuk do të luajë më asnjë ndeshje deri në fund të sezonit.

20-vjeçari është aktivizuar në disa ndeshje gjatë këtij sezoni, dhe do të ishte një alternativë më shumë për Klop, i cili i ka zgjedhjet e reduktuara në mbrojtje.

Gomez debutoi  me Kombëtaren në barazimin pa gola kundër Gjermanisë në nëntor, ndërkohë që u aktivizua kundër Brazilit katër ditë më vonë. Liverpuli ndërkohë në finale nuk do të ketë në dispozicion as mesfushorin Emre Can.