Liverpuli ndalet edhe nga Stoke, Salah zbret me “këmbë në tokë” (VIDEO)

Liverpul ka harruar të fitojë në Premier League. Skuadra e Jurgen Klop nuk ka shkuar më shumë se një barazim pa gola në ndeshjen e javës së 36-të ndaj Stoke Sitit. Të kuqtë kanë dominuar ndeshjen duke pasur mundësi të shumta shënimi. Në pjesën e parë Salah humbi një mundësi të artë përballë portierit Butland, por goditja e tij përfundoi jashtë kuadratit.

Sulmuesi egjiptian nuk spikati shumë në këtë takim, ndërkohë që në minutat e fundit, të kuqtë pretenduan edhe për një penallti pas një prekje të topit me dorë nga mbrojtje e Stoke, por arbitri Mariner nuk ishte i këtij mendimi. Liverpul shkon në kuotën e 72 pikëve, 4 më shumë se Totenhemi që ka dy ndeshje më shumë për të luajtur. /Koha Jonë/