Lojtari i Tottenhamit nënshkruan kontratë të re

Heung-Min Son ka nënshkruar kontratë të re pesëvjeçare me Tottenham. Sipas kësaj kontrate, Son do të qëndrojë në ekipin nga Londra deri në sezonin 2022-2023.
26-vjeçari nga Korea e Jugut, u transferua në vitin 2015 nga Bayer Leverkusen.

Nën menaxhimin e Mauricio Pochettiono, është rritur roli i tij brenda ekipit, ku brenda sezonit ka luajtur 37 lojë. 26 golat e tij gjatë dy sezoneve të fundit i kanë ndihmuar Tottenhamit të sigurojë vend në top treshen angleze, transmeton gazeta Express.

“Jam shumë i lumtur që kam nënshkruar kontratë të re. Shpresoj të ju shoh këtë sezon në stadiumin e ri,” është shprehur Son në një video të publikuar nga klubi.

🗣 A message from Sonny…#COYS pic.twitter.com/pvsjFeuo0T

— Tottenham Hotspur (@SpursOfficial) July 20, 2018

Son iu bashkangjitet kështu Harry Kane dhe Pochettinos, të cilët kanë nënshkruar kontrata të reja gjithashtu. Pochettino ka nënshkruar kontratë pesëvjeçare në maj, ndërsa kontrata gjashtëvjeçare e Kane u konfirmua muajin e kaluar.