Lorik Cana feston 35-vjetorin: Monica e uron shqip publikisht

I lindur më 27 korrik të vitit 1983, sot ish-kapiteni Lorik Cana feston 35-vjetorin. Siç mund ta kuptojmë nga postimet në Insta Stories, bashkëshortja Monica i ka organizuar një surprizë me qirinj e tollumbace.

Përveç fjalëve të urimit në italisht dhe anglisht, Monica është kujdesur që të mos mungojë as urimi shqip: “Urime jeta ime!”

Në një intervistë të mëparshme të futbollistit në “Xing me Ermalin” ai rrëfeu se Monica është më shqiptare se shqiptaret.

“Bashkëshortja ka filluar gatimin kur nisëm marrëdhënien bashkë, më përpara s’dinte fare. Përveçse ka mësuar të gatuajë, ka mësuar edhe të flasë shqip. Në shumë gjëra të saj, është edhe më shqiptare se shqiptaret.” – tregoi Loriku.

Pas disa kohësh të lidhur, Loriku dhe Monica u martuan në qershor të 2014-s, ndërsa 1 vit më vonë erdhi në jetë vogëlushi i tyre, Bojken.