Lotito: Milinkovic-Savic vlen më shumë se Pogba, kam refuzuar 110 milionë euro

Presidenti i Lazios, Claudio Lotito mendon se Sergej Milinkovic-Savic është më i mirë se Paul Pogba, dhe se futbollisti serb nuk do të largohet këtë verë.

“Deri tani askush nuk ka bërë hapa konkrete, nuk ka mbërritur asnjë ofertë zyrtare, as nga Milani, as nga Juventusi, e aq më tepër nga Reali i Madridit apo Manchester United. Sigurisht që nuk kam ndërmend të shes. Por, meqë po këmbëngulni në pyetjen tuaj, po ju kujtoj se vitin e kaluar, më 29 gusht, refuzova një ofertë 110 milionë euro. Sa është shitur Pogba te Manchester United? 105 milionë euro plus 5 milionë bonuse? Atëherë Milinkovic vlen më shumë dhe kjo është e qartë”, deklaroi numri një i Lazios.

Fjalë që përjashtojnë Milanin nga gara, ndërsa Juventusi është në pritje të asaj që do të ndodhë me Miralem Pjanic.