“Luftë civile” në Torino, guerilët sulmojnë dhunshëm autobusin (VIDEO)

Skena të një “lufte civile” janë regjistruar mbrëmjen e sotme në qendër të Torinos, ku protesta e qendrave sociale kundër dëbimit të azilantëve degjeneroi në dhunë.

Dymbëdhjetë protestues u ndaluan nga policia për përplasjen e anarkistëve. Situata vazhdon të mbetet e tensionuar pas gati dy orë “luftimesh”, me guerilët e veshur me helmeta që kanë hedhur shishe, kazanë plehrash, pllaka dhe fishekzjarre në drejtim të policisë.

Me koshat e përmbysur protestuesit krijuan barrikada në rrugët e qytetit, ndërsa nxitën panik midis kalimtarëve dhe banorëve të Torinos. Zona e “Porto Palazzo” u izolua, por një grup i dhunshëm i marshuesve sulmuan një autobus të transportit urban, duke terrorizuar shoferin dhe udhëtarët.

Demonstruesit vandalizuan autobusin dhe hodhën gaz lotsjellës brenda tij. “Asnjëherë nuk kam parë një gjë të tillë. Ata u futën me kapuç, duke shkatërruar gjithçka, unë ende po dridhem”, tha shoferi i autobusit.

Torino ostaggio di qualche centinaio di delinquenti dei centri sociali: tutto il mio supporto ai Torinesi e alle Forze dell’Ordine, per questi criminali (che sono stati finalmente sgomberati pochi giorni fa) la pacchia è finita! pic.twitter.com/a71SPenoW8

— Matteo Salvini (@matteosalvinimi) February 9, 2019

Ministri i Brendshëm italian Matteo Salvini ka reaguar duke thënë se ata që vepruan në Torino janë kriminelë dhe duhet të kapen menjëherë.