Majlinda Kelmendi nuk ndalet, fiton medalje ari në Izrael

Majlinda Kelmendi është shpallur sot kampione absolute, pas një performance të shkëlqyer në Izrael. Ajo i ka dhuruar një tjetër medalje të artë Kosovës në Grand Prix Tel Aviv pasi ka kaluar të gjitha sfidat në peshën e saj 52 kg, duke mposhtur me radhë kundërshtaret dhe duke treguar superioritetin e saj në këtë sport.

Ajo ka mposhtur në finale rivalen vendase me ippon Gili Cohen, duke rrëmbyer medaljen e parë për këtë vit dhe madje medaljen më të bukur, atë të artë.