Mamaja e Ronaldos shpërthen: Pse në hotel shkoi për të luajtur letra?

E ëma e Cristiano Ronaldos ka mbrojtur futbollistin e njohur në akuzat për përdhunim që i janë ngritur nga një ish-modele. Dolores Aveiro është shprehur se ka besim te 34-vjeçari portugez, duke insistuar: “E di se çfarë djali kam”.

Ajo deklaroi se akuzuesja e Ronaldos, Kathryn Mayorga, “nuk shkoi në dhomën e tij të hotelit për të luajtur letra”, duke e rënduar pozitën morale të zonjës, që pretendon se është përdhunuar nga futbollisti në një hotel të Las Vegasit, në vitin 2009. Mayorga e akuzon Ronaldon për përdhurim në një hotel në Las Vegas në vitin 2009, por sulmuesi i njohur ka mohuar akuzat.

Mamaja e Ronaldos i tha fjalët e saj të para në lidhje me pretendimet, të cilat kanë nxitur një hetim të ri të policisë në Las Vegas, pasi zonja Mayorga ankohet se ishte e detyruar të nënshkruante një marrëveshje heshtjeje prej 290.000 euro, gjatë një shfaqje publiciteti në Lisbonë.