Manchester United e mbyll sezonin me fitore në Premier League

Manchester United ka mposhtur me rezultatin minimal 1-0 Watfordin për ta mbyllur sezonin në Premier League me fitore.

Golin e fitores e realizoi sulmuesi i ri, Marcus Rashford, në minutën e 34′-të me “Djajtë e Kuq” që tashmë kishin siguruar pozitën e dytë.

Objektivi i Jose Mourinhos tani është FA Cup ku në finale do të përballet me Chelsean të shtunën me 19 maj dhe dëshira është që të përfundojë sezonin 2017/18 me një trofe.

United e mbylli sezonin me 25 fitore, 6 barazime dhe 7 humbje – duke shënuar 68 gola dhe pranuar 28.