Mançini i nis “furishëm” tek Italia: Do ta thërras Balotelin!

Trajneri i ri i Kombëtares së Italisë është Roberto Mançini. Komisioneri i Federatës, Roberto Fabriçini, ka konfirmuar ditën e sotme se marrëveshja është kryer dhe FIGC ka konfirmuar zyrtarisht se ish-strategu i Zenitit do të marrë frenat e “të kaltërve”.

Mançini ka nënshkruar një kontratë deri në fund të kampionatin evropian 2020. Strategu italian ka lëshuar dhe deklaratën e parë në konferencën për mediat.

“Jam shumë i emocionuar. Të bëhesh trajneri i Kombëtares, nuk ndodh shpesh. Jam i lumtur, krenar dhe i emocionuar. Ishte zgjedhja e duhur, një zgjedhje e thjeshtë, dua t’i falënderoj të gjithë që më kanë ndihmuar në karrierën time.

Italia ka pasur gjithmonë futbollistë me kualitet. Baloteli është një lojtar italian, dhe me shumë mundësi do ta grumbulloj. Duam të ngjitemi në majë, ashtu si në Europinin e 2012. Me Pirlon kam folur për mundësinë e një bashkëpunimi, por do të shohim se çfarë do të bëjmë”, ka thënë Mançini. /Rozalb Lika – Koha Jonë/