Marcelo: Juventus klub spektakolar, për largimin e Ronaldos e dija para Kievit

Marcelo ka rrëfyer në një intervistë për “Esporte Interactivo” se e mësoi vendimin për largim të Cristiano Ronaldos nga Real Madridi në një seancë stërvitore, para finales së Ligës së Kampionëve, që u luajt në Kiev.

“Për dreq, ne ishim duke u trajnuar për finalen e Kievit dhe ai më tha: Po largohem”, deklaroi Marcelo.

“Jua ka thënë këtë para finales? Atëherë, ju më paskeni gënjyer…”, e pyeti gazetarja braziliane, e cila mori menjëherë përgjigjen nga mbrojtësi: “Po, më duhej të të gënjeja”.

Marcelo u pyet për interesin e supozuar të Juventusit për të nënshkruar me të gjatë kësaj vere.

“Juventus është një klub spektakolar. E kam zbuluar këtë gjë që në kohën kur luajta ndaj Juventusit në kohën kur ishte Nedved. Gjithsesi unë kam një kontratë një kontratë me Realin dhe ndihem mirë”, deklaroi Marcelo.