Marselo i sinqertë: Nëse do të thoja që s’më preku topi dorën, do të gënjeja!

Një ndër momentet më të kontestueshëm në ndeshjen e kthimit mes Realit dhe Bajernit, ishte një prekje e topit me dorë në zonë nga Marselo. Mbrojtësi i madrilenëve e ka pranuar se bavarezve u është mohuar një penallti.

“Po, topi më preku në dorë dhe nëse e godet me dorë, atëherë është penallti. Nëse do të thosha se topi nuk më ra në dorë do të gënjeja. Ky është realiteti”, tha braziliani pas ndeshjes, duke komentuar momentin më të diskutuar të sfidës.