Mavraj tani në orbitën e kampionëve të Greqisë

Mërgim Mavrajn mund ta shohim në kampionatin grek në sezonin e ri. Mediat helene shkruajnë se mbrojtësi pritet të jetë përforcimi i rëndësishëm i Olympiacosit për fazën mbrojtëse. Edhe pse ditët e fundit është zbuluar edhe interesimi i Hannoverit, duket se e ardhmja e 32-vjeçarit shqiptar do të jetë larg Bundesligës.

Mavraj ka qenë shumë pranë nënshkrimit me AEK-ut, po në Greqi, por kërkesat e tij ekonomike janë konsideruar tepër të larta nga drejtuesit e skuadrës kampione në fuqi. Mavraj pretendonte 500 mijë euro pagë vjetorë, kërkesë që duket se do t’ia plotësojë Olympiacosi. Te klubi me qendër në Pire besojnë se Mavraj ka përvojën e duhur për t’i garantuar prapavijës më shumë siguri.