Mbrojtësi i Barcelonës: Messi dhe Suarez më “zhvatnin” 50 euro në ditë

Një ndër zbulimet e Kupës së Botës, Yerry Mina ka që prej janarit që te Barcelona por ka humbur që tani qindra euro nga bastet ndaj shokëve të ekipit Lionel Messi dhe Luis Suarez.

Kolumbiani ka sfiduar dy latinët që mund të godiste më mirë se ata goditjet e dënimit dhe sigurisht që gjithmonë ka dalë i humbur.

“Sfida ishte kush do të godiste goditjen më të mirë standarde në stërvitje por çdo ditë unë po humbisja 50 euro. Një moment i thirra mendjes, pasi po u jepja para për të bërë ‘shopping’!

Më duhej të qeshja por e vërteta është se ata përbindësh e dërgonin topin ku të donin, ata janë njerëz të mëdhenj, dhe magjistarë në fushë”, deklaroi Mina.