Messi lihet jashtë skuadrës së Inter Miami, Tata Martino shpjegon arsyen

Leo Messi është lënë jashtë listës së të grumbulluarve të Inter Miami-t për ndeshjen e kampionatit.

Sulmuesi argjentinas nuk do të jetë në fushë kundër Atlanta United. Arsyet e përjashtimit janë shpjeguar nga trajneri i klubit amerikan, Gerardo “Tata” Martino.

“Leo është mirë, por do të jemi të kujdesshëm me të sepse kemi shumë ndeshje të rëndësishme në pak kohë. Nuk është e lehtë të luash çdo ndeshje 90 minuta çdo 2 ose 3 ditë.

Kundër Bolivisë ka pushuar për shkak të një shqetësimi muskulor, kështu që nuk duam të rrezikojmë”, ka deklaruar Tata Martino.