Milani vuan mungesën e Maignan, nuk do të jetë as ndaj Tottenhamit

Milani po vuan shumë në javët e fundit dhe për shkak të mungesave. Njëri prej tyre është dhe portieri francez, Mike Maignan, i cili vijon të jetë jashtë për shkak të dëmtimit dhe tashmë rrezikon sfidën e parë kundër Tottenham.

Këtë e ka bërë të ditur dhe prestigjiozja italiane “La Gazzetta dello Sport”. 27-vjeçari ka treguar  përmirësime, por pas mosaktivizimit të gjatë, klubi nuk do të rrezikojë probleme të reja për portierin francez.

Mesa duket, Maignan do t’i ndjekë nga tribuna në ndeshjen e parë shokët e tij të ekipit që do të luajnë në Champions League. Sfida e parë për të me shumë mundësi do të jetë ndeshja e kthimit kundër Tottenham.