Miranda tregohet modest: Unë jam mbrojtësi më i mirë në Seria A!

“Unë jam një futbollist i kompletuar, teknik dhe i shpejt. Jam i sinqertë: për shkak të eksperiencës mendoj se jam mbrojtësi më i mirë në Seria A”. Mbrojtësi i Interit, Miranda në këtë mënyrë tregohet “modest”. Ish-lojtari i Atletiko Madrid në një intervistë për “Inter Tv” ka folur edhe për raportet me trajnerin si dhe ndeshjen e radhës ndaj Juventusit.

“Spaleti është një trajner i zoti, më pëlqen që gjithmonë ka dëshirë për të fituar, ashtu si unë, dhe për këtë gjë ndihem mirë këtu. Flasim shpesh për aspektet teknike me anë të videove gjatë stërvitjeve. Ndeshja më e rëndësishme është ajo e radhës. Nuk mendoj për të kaluarën, por vetëm për duelin me Juven. Më ka pëlqyer që fituar derbin me Milanin 3-2, në atë ndeshje isha shumë i kënaqur”, është shprehur Miranda. /Koha Jonë/