Mourinhon e presin te Roma si hero, por i duhet të bëjë 5 ditë karantinë!

Sporti E Premte, 2 Korrik 2021 16:30

Jose Mourinho më në fund ka mbërritur në Romë me një avion privatë në Aeroportin Ciampino. Strategu portugez është pritur me shumë entuziazëm nga dhjetëra tifozë që sfiduan temperaturat e larta për ta parë nga afër.

Mourinho i përshëndeti vetëm nga xhami i makinës me një shall të skuadrës së Romës. Prezantimi zyrtar do të bëhet me shumë mundësi në ditët e ardhshme.

Fillimisht ai duhet të qëndrojë 5 ditë në izolim pas ardhjes nga Lisbona për shkak të variantit të ri Delta. “Faleminderit shumë, forca Roma”, ishin fjalët e para të tij. /R.Lika-Koha Jone/