Muçi shpëton nga humbja Tiranën “në frymën e fundit” në derbin ndaj Partizanit (VIDEO)

Derbi i Kryeqytetit mes Partizanit dhe Tiranës është mbyllur në barazim 1-1. Edhe pse pa tifozë, dueli i mbrëmjes në “Air Albania” do të dhuronte shumë emocione.

artizani zhvilloi një ndeshje të madhe dhe u futi drithërimat bardhebluve me golin e Melos, por Tirana ia doli të shënonte një gol në minutën e dytë shtesë me Muçin, që mund të jetë edhe goli i titullit. Barazimi për të kuqtë nuk vlen edhe aq shumë, ndërkohë për Tiranën është si një fitore.

Kjo pikë e marrë në derbi mund të rezultojë vendimtare për Tiranën në garën për titull, duke qenë se tashmë është 7 pikë para Kukësit, që luan nesër përballë Teutës.