Murinjo bëhet gazetar në Kupën e Botës, fiton 2 mln euro për 4 ditë (VIDEO)

Zhoze Murinjo ka nënshkruar një super kontratë,  falë të cilës do të përfitojë gjysmë milioni euro në ditë, ose saktësisht 2 milionë euro në vetëm 4 ditë punë. Tekniku portugez ka pranuar të bëhet opinionisti televiziv i kanalit rus RT gjatë Botërorit 2018, edhe pse më parë kishte refuzuar ofertat nga BBC dhe ITV.

Marrëveshja parashikon që ai duhet të jetë 4 ditët e para të aktivitetit në Moskë dhe të paraqitet në zyrat e këtij televizioni në disa programe të ndryshme për Botërorin ku të japë mendimet e tij rreth ndeshjeve. Ai do të jetë i punësuar edhe për natën e finales së Botërorit, por në këtë rast, nuk do të jetë nevoja që të udhëtojë drejt Rusisë, pasi lidhja direkte do të bëhet nga shtëpia e tij në Mançester.

Murinjo fitoi rreth 1,5 milionë dollarë në vitin 2014, gjatë Botërorit, kur punoi si opinionist për faqen e internetit të Yahoo, vetëm duke bërë disa parashikime të shkurtra para ndeshjeve.