Murinjo e ka vendosur: Pogba nuk largohet nga Junajtid!

Zhoze Murinjo shuan zërat për largimin e Paul Pogba nga Mançester Junajtid. Trajneri portugez, pavarësisht përplasjeve që ka me mesfushorin francez, ka deklaruar se Pogba do të vazhdojë të jetë pjesë e “Djajve të kuq”, të paktën edhe për sezonin e ardhshëm.

“Mund t’iu garantoj se unë nuk e dëshiroj largimin e Paul Pogba nga Mançester Junajtid. Edhe klubi dëshiron ta mbajë atë. Nuk ka pasur asnjë lëvizje në merkato për të nga ndonjë klub, apo edhe vet agjenti i tij. Për mendimin tim, ai qëndron këtu”, tha Murinjo.

Mesfushori 25-vjeçar ka luajtur 25 ndeshje në Premier League këtë sezon dhe ka shënuar 6 gola, por ai nuk është aktivizuar në disa ndeshje kyçe të “Djajve të kuq” në Champions League, e kjo shtoi zërat e merkatos rreth tij.