Murinjo “thumbon” Ronaldon: Fenomeni ishte i pakrahasueshëm!

Jose Murinjo ka thumbuar sërish Kristiano Ronaldon, në një deklaratë të dhënë për një dokumentar në nder të trajnerit Bobi Robson, me të cilin ka punuar te skuadra e Barcelonës në sezonin 1996-1997. Trajneri i Junajtid ishte ndihmës i anglezit në Katalunjë dhe në atë sezon pati mundësinë të shijojë magjitë e Ronaldos, brazilianit, që shënoi plot 47 gola në një sezon të vetëm.

“Kush ishte më i mirë mes Kristianos dhe Ronaldos? Patjetër Nazario Da Lima. Është i vetmi fenomen, më i miri i të gjitha kohërave. Mund të them se mes të dyve nuk kam parë ngjashmëri”, deklaroi portugezi.

Kujtojmë që marrëdhëniet mes portugezit Ronaldo, dhe Murinjos nuk janë aq të mira që pas zënkës që kanë patur te Reali.