Napoli gjen zëvendësuesin e Hysajt, shkodrani drejt largimit në verë

Elseid Hysaj është duke kaluar javët e fundit me Napolin sipas mediave italiane. Mbrojtësi shqiptar do të shitet në fund të sezonit shkruan “La Gazzetta dello Sport” ditën e sotme. Shqiptari nuk ka bindur trajnerin Carlo Ancelottin me cilësitë e tij dhe ky i fundit kërkon një zëvendësues.

Emri që pritet të shkojë në Napoli sezonin tjetër është ai i Manuel Lazzarit. Mbrojtësi i SPAL-it është paraqitur mjaft mirë këtë edicion futbollistik dhe ka fituar vëmendjen e napolitanëve. 25-vjeçari vlen rreth 20 milionë euro, teksa Napoli shpreson që të mbërrijë një ofertë e mirë në drejtim të shkodranit.

Presidenti Aurelio De Laurentiis është dakord me këtë lëvizje, pasi është lodhur me kërkesat e Hysajt për rinovim dhe shifrat e larta që kërkon agjenti i tij Giufredi. Napoli pritet të largojë dhe mbrojtësin tjetër Malcuit, përveç Hysajt.