“Nëse luan ashtu, mos u anko kur merr shqelma”

Neymar u largua nga fusha mes lotësh në ndeshjen në sfidën ndaj Strasburgut të vlefshme për Kupën e Francës. Sulmuesi doli nga loja n ë minutën e 62’-të pasi zuri keq këmbën e tij të majtë.

Mesfushori Anthony Gonaclves, i cili i dha një goditje të fortë Neymar-it në një rast nuk tregoi mëshirë në fund të ndeshjes.

“Është stili i tij. Por, nëse luan ashtu mos u anko nëse merr disa shqelma. Ai është lojtar i madh dhe e respektoj, por ne nuk jemi këtu që ai të argëtohet me ne. Nuk jemi këtu që ai të duket  bukur”, vijoi më tej Goncalves.